15 ივნისს სიონის საკათედრო ტაძარში გარდაცვლილთა სულის მოსახსენიებლად პანაშვიდი შესრულდა.

ა.წ. 14 ივნისს თბილისში მომხდარი სტიქიური უბედურებისა და ტრაგედიის შედეგად გარდაცვლილთა სულის საოხად ორშაბათს, 15 ივნისს, გლოვის დღეს, საქართველოს ყველა ეკლესია-მონასტერში 12:00სთ-ზე დაირეკება გლოვის ზარები და გადახდილი იქნება პანაშვიდი, შემდგომ კი, - სამშვიდობო პარაკლისი.

საქართველოს პრემიერ-მინისტრის განკარგულებით, 13-14 ივნისს თბილისში სტიქიის შედეგად დაღუპულთა ხსოვნის პატივსაცემად, 15 ივნისი საქართველოში გლოვის დღედ გამოცხადდა. სტიქიის შედეგების სალიკვიდაციო საგანგებო შტაბის სხდომაზე ირაკლი ღარიბაშვილმა დაღუპულთა ოჯახებს კიდევ ერთხელ მიუსამძიმრა.

გუშინ, 13 ივნისს, უხვი ნალექის გამო მომხდარმა წყალდიდობამ, რამდენიმე ადამიანის სიცოცხლე იმსხვერპლა, განადგურდა ზოოპარკი, ცხოველების ნაწილი კი გაიქცა. გაქცეულების ნაწილი მოკლეს, ნაწილი დაიჭირეს, ხოლო ბევრ მათგანს ამ წუთებამდე ეძებენ. მომხდარ ფაქტს გამოეხმაურა სრულიად საქართველოს პატრიარქი ილია მეორე საკვირაო ქადაგებისას.

7 ივნისს, საკვირაო წირვის დასრულების შემდეგ მრევლს ქადაგებით მიმართა უწმიდესმა და უნეტარესმა ილია მეორემ.

სულთმოფენობის მეორე შვიდეული ყოველთა წმიდათა კვირიაკედ იწოდება, შემდეგი ორშაბათიდან კი წმინდა მოციქულთა მარხვა იწყება. ეს მარხვა მოციქულთა პეტრესა და პავლეს ხსენებით გვირგვინდება, ამიტომ სახელიც მათი ჰქვია - პეტრე-პავლობის მარხვა.

2 ივნისს (20 მაისი) საქართველოს მართლმადიდებელი სამოციქულო ეკლესია ღირსთ ზაბულონსა და სოსანას მოიხსენიებს. წმინდა ზაბულონი და სოსანა ქართველთა განმანათლებლისა და მოციქულთა სწორის, წმინდა ნინოს, მშობლები იყვნენ.

დღეს, 1-ელ ივნისს, საქართველოს მართლმადიდებელი ეკლესია მოციქულთა სწორის, წმინდა ნინოს საქართველოში შემოსვლის დღეს აღნიშნავს.

31 მაისს, სამების საკათედრო ტაძარში, სულთმოფენობის დღესასწაულთან დაკავშირებით სადღესასწაულო მსახურება აღავლინა უწმიდესმა და უნეტარესმა ილია მეორემ. დღეს სამების საკათედრო ტაძრის დღესასწაულიც აღნიშნება.

აღდგომიდან ორმოცდამეათე დღეს, ეკლესია აღნიშნავს და ზეიმობს სულთმოფენობის დღესასწაულს, სულიწმიდის გარდამოსვლის დღეს. ეს დღე ითვლება ქრისტეს ეკლესიის დაარსების დღეთაც.