2015 წლის 3 ნოემბრიდან, სრულიად საქართველოს კათოლიკოს-პატრიარქის ფონდის ინტელექტუალურ-შემეცნებითი სტუდიამ, “მედიაცია - კონფლიქტების (მათ შორის რელიგიურის) მოგვარება მოლაპარაკების გზით” პროგრამის ფარგლებში ახალი სალექციო კურსი დაიწყო.

“ინტელექტუალურ-შემეცნებითი სტუდია” კათოლიკოს-პატრიარქის საერთაშორისო საქველმოქმედო ფონდმა საერთაშორისო ორგანიზაცია “World Vision”-ის მხარდაჭერით 2011 წელს დაარსა.

2015 წლის პროგრამა მოიცავს შემდეგ სალექციო კურსს:

• მედიაცია - კონფლიქტის მოგვარება მოლაპარაკების გზით;

• მოლაპარაკებების ტაქტიკა, ხერხები და გზები;

• ფსიქოლოგია; კონფლიქტის ფსიქოლოგია; 

• აზროვნების ფილოსოფია;

• ტრადიციული რელიგიები საქართველოში (კულტურა, ტრადიცია და რელიგიური წეს-ჩვეულებები);

• ადამიანის უფლებათა ევროპული კონვენცია 

• სახელმწიფო და რელიგია;  

• პროგრამით გათვალისწინებულია კულტურულ-შემეცნებითი ღონისძიებები: მუზეუმების, საგამოფენო დარბაზების დათვალიერება, კონცერტებსა და სპექტაკლებზე დასწრება.

ლექციებს უძღვებიან ცნობილი მეცნიერები და პედაგოგები. ლექციები ტარდება ყოველ სამშაბათს, 16 საათზე, კათოლიკოს-პატრიარქის საერთაშორისო საქველმოქმედო ფონდის ოფისში.

ლექციების კურსის ხანგრძლივობა შეადგენს 8 თვეს. სტუდიაში მსმენელებად დარეგისტრირებულნი არიან 18-დან 26 წლამდე ასაკის ახალგაზრდები.

სტუდიაში სწავლა უფასოა. დამთავრების შემდეგ გაიცემა შესაბამისი სერთიფიკატი.