15 ივნისს სიონის საკათედრო ტაძარში გარდაცვლილთა სულის მოსახსენიებლად პანაშვიდი შესრულდა.

“ჩვენ თანადგომას ვუცხადებთ დაღუპულთა ოჯახებს და შევთხოვთ უფალს, რომ უფალმა ნათელში დაამკვიდროს მათი უკვდავი სულები. დღეს ჩვენ მოვუწოდებთ სრულიად საქართველოს გაიზიარონ ეს მწუხარება და მიიღონ მონაწილეობა”, – აღნიშნა უწმინდესმა.

პატრიარქმა მიმართა თბილისში მოქმედი ტაძრების წინამძღვრებს, მოძღვრებს ყურადღება მიაქციონ გარდაცვლილთა ოჯახებს ამ გაჭირვების ჟამს.

“მე მინდა ასევე დიდი მადლობა ვუთხრა ჩვენს ახალგაზრდობას. ჩვენმა ახალგაზრდობამ გამოიჩინა რაღაც საოცარი თავდადება და მთელი ახალგაზრდობა გამოვიდა დასახმარებლად”, – აღნიშნა უწმინდესმა.

პატრიარქის თქმით, იგი გუშინ იყო გასული და ნახა როგორ შრომობდნენ ახალგაზრდები თავდადებით.

“მწუხარება იმედია სიხარულით შეიცვლება და ჩვენი ხალხი, ხელისუფლება, ჩვენი ეკლესია ყველაფერს გააკეთებს, რომ მსგავსი არ განმეორდეს. უნდა იყოს გათვალისწინებული ის რაც მოხდა და აქედან უნდა გამოვიტანოთ დასკვნა”, – განაცხადა უწმინდესმა.