საფრანგეთში ვიზიტისას საქართველოს კათოლიკოს-პატრიარქი, უწმინდესი და უნეტარესი ილია II იუნესკოში აფხაზეთსა და სამაჩაბლოში მდებარე ქართული ტაძრების საკითხს დასვამს. ამის შესახებ დღეს თბილისის საერთაშორისო აეროპორტში, უწმინდესის საფრანგეთში გამგზავრებამდე პატრიარქის მდივანმა, დეკანოზმა მიქაელ ბოტკოველმა განაცხადა.

მისი თქმით, პარიზში ფონდ "იავნანას" მიერ საქველმოქმედო კონცერტი 18 მაისს გაიმართება, რომლის დროსაც უწმინდესის საგალობლები შესრულდება.

პატრიარქი საფრანგეთში ვიზიტისას შეხვდება საფრანგეთში მცხოვრებ ქართველებს, ინახულებს ლევილში ქართველთა სასაფლაოს. ამასთან, დაგეგმილია შეხვედრა "იუნესოკეში", სადაც უწმინდესი სამაჩაბლოსა და აფხაზეთში მდებარე უძველესი ქართული ტაძრების საკითხს დასვამს.

უწმინდესის მდივანმა აღნიშნა, რომ ბოლო პერიოდში მუდმივად ვრცელდებოდა ინფორმაცია იმის შესახებ, რომ იქ არსებული ტაძრები ნადგურდება.

საქართველოს კათოლიკოს-პატრიარქი პარიზში უკვე გაემგზავრა.