საქართველოს მართლმადიდებლური ეკლესიის დელეგაცია, პატრიარქის ხელმძღვანელობით, დღეს საფრანგეთში მიემგზავრება. როგორც სამების საპატრიარქო ტაძარში, ქადაგებისას გარდაბნისა და მარტყოფის მიტროპოლიტმა იაკობმა განაცხადა, ქართული დელეგაცია ქართული კულტურის დღეებს დაესწრება.

მეუფე იაკობის თქმით, ღონისძიება ხელს უწყობს ქართული კულტურის პოპულარიზაციას საზღვარგარეთ, რაც ქვეყნისთვის ძალიან მნიშვნელოვანია. მისივე ინფორმაციით, ქართული კულტურის დღეებს საქართველოს გარდა სხვა მართლმადიდებლური ქვეყნების სასულიერო დელეგაციებიც დაესწრებიან.

ასევე, 18 მაისს, პარიზის დარბაზ ”სალ ფლეიელში” საქართველოს კათოლიკოს-პატრიარქის, უწმინდესისას და უნეტარესის, ილია მეორის განუმეორებელი საგალობელი "SANCTUS” (“წმინდა არს") შესრულდება.

პატრიარქი პარიზში თბილისის საერთაშორისო აეროპორტიდან დღეს, 15:00 საათზე გაემგზავრება.