ჭყონდიდის ეპარქიას კულტურისა და ძეგლთა დაცვის მინისტრი სტუმრობდა. ვიზიტის ფარგლებში ნიკოლოზ რურუამ მარტვილის სამუსიკო სკოლა დაათვალიერა და სასწავლებელს პიანინო და ხალხური ინსტრუმენტები გადასცა. მინისტრი კულტურის სახლში მიმდინარე სარემონტო სამუშაოებსაც გაეცნო, მხარეთმცოდნეობის მუზეუმს ესტუმრა და განძსაცავს საჭირო კომპიუტერული ტენიკა გადასცა. აქვე უწყების ხელმძღვანელმა რეგიონის ”დამსახურებული პედაგოგიც” დაასახელა. ვიზიტის დასასრულს კულტურის მინისტრმა მარტვილის სამონასტრო კომპლექსი მოილოცა.