დღეს, 20 აპრილს, VII საერთაშორისო ფესტივალის “აღდგომიდან ამაღლებამდე” ფარგლებში, თბილისის კონსერვატორიის დიდ საკონცერტო დარბაზში შედგება ვოკალური მუსიკის საღამო, რომელიც ეძღვნება ვაჟა ჩაჩავას ხსოვნას.

კონცერტში მონაწილეობენ: ნანა ქავთარაშვილი (მირიანი) – სოპრანო, სალომე ჯიქია – სოპრანო, ნანა ძიძიგური – მეცო-სოპრანო, მამუკა მანჯგალაძე – ტენორი, გიორგი წამალაშვილი – ბარიტონი, ასევე,  წმინდა სამების საკათედრო ტაძრის საპატრიარქო გუნდი. კონცერტმეისტერი – ვიქტორია ჩაპლინსკაია.

დასაწყისი – 19:30 სთ.