15 და 16 აპრილს, აღდგომის ბრწყინვალე დღესასწაულთან დაკავშირებით, თბილისში მუნიციპალური ავტობუსები უფასოდ იმოძრავებენ. რაც შეეხება მეტროპოლიტენს, უფასოდ სარგებლობის შესაძლებლობა შაბათს ღამის, 12.00 საათიდან 15 აპრილის 15.00 საათამდე იქნება.

ამასთან, 15 და 16 აპრილს, 08.00-18.00 საათამდე, სასაფლაოებზე გასვლის მსურველებს 80-მდე მუნიციპალური ავტობუსი უფასოდ მოემსახურება. კერძოდ, მუხათგვერდისა და ვაშლიჯვარის სასაფლაოების მიმართულებით ავტობუსები გავლენ მეტროსადგურ "დიდუბის" ზედა ტერიტორიიდან; "სადგურის მოედნიდან" და "მარჯანიშვილიდან" - კუკიის მიმართულებით; "დელისიდან" - საბურთალოს სასაფლაოს მიმართულებით; "სარაჯიშვილიდან" - "თბილისის ზღვის" მიმართულებით და ჭიჭინაძის ქუჩა, კორპ.#25-დან - "ველის" მიმართულებით.