მცხეთაში სამთავროს დედათა მონასტრის ტერიტორიაზე მალე გეთსემანიის ანალოგი ბაღი გაშენდება. ინიციატივა სრულიად საქართველოს-კათოლიკოს პატრიარქს, მცხეთა თბილისის მთავარეპისკოპოსსა და ბიჭვინთისა და ცხუმ-აფხაზეთის მიტროპოლიტს, უწმინდესსა და უნეტარესს ილია მეორეს ეკუთვნის. საქართველოს ეკლესიის მწყემსმთავრის ლოცვა-კურთხევით ზეთისხილის ბაღთან ერთად მისი კეთილმოწყობაც იგეგმება. გამწვანების აქცია სახელწოდებით ‘’დარგე ხე, გაამწვანე გარემო’’ დღეს დაიწყო და მასში მონაწილეობა საპატრიარქოს დეკორატიული მებაღეობის საზოგადოებრივი კოლეჯის წევრებმა და ‘’ტაობანკის’’ წარმომადგენლებმა მიიღეს. ბაღის გაშენება ეტაპობრივად მოხდება. დღეისათვის კი აქციის ფარგლებში 100-მდე ნეგი დარიგო.