წმინდა ანდრია პირველწოდებულის სახელობის ქართულ უნივერსიტეტში მანგლისისა და წალკის მიტროპოლიტ ანანიას წიგნის პრეზენტაცია გაიმართა. „საქართველოს საეკლესო კანონების კრებულში“ ავტორმა მე-4-დან მე-20 საუკუნის ჩათვლით საქართველოს საეკლესიო კრებების სამართალი, მსოფლიო და საქართველოს საეკლესიო კრებები და მიღებული დოკუმენტები განიხილა . ყოვლადუსამღვდელოესი ანანია არაერთი სამეცნიერო ნაშრომის ავტორია . მან საქართველოს მართლმადიდებელი სამოციქულო ეკლესიის ისტორია ოთხტომეულის სახით უკვე გამოსცა. ახალი კრებული კი მღვდელმთავარმა თავად წარადგინა და მის მნიშვნელობაზე ისაუბრა. წიგნის პრეზენტაციას გარდაბნისა და მარტყოფის ეპისკოპოსი იაკობი , უნივერსიტეტის სტუდენტები, პროფესორ–მასწავლებლები და სხვა მოწვეული სტუმრები ესწრებოდნენ.