25 მარტს საქართველოს სამოციქულო მართლმადიდებელი ეკლესიის ავტოკეფალიის აღდგენის დღე აღინიშნება. ამ თარიღისადმი მიძღვნილ კონფერენციას წმინდა ანდრია პირველწოდებულის სახელობის ქართულმა უნივერსიტეტმა უმასპინძლა. ჰუმანიტარულ მეცნიერებათა ფაკულტეტის სტუდენტებმა ერთი თვის განმავლობაში მომზადებული ნაშრომები პროფესორ–მასწავლებლებსა და სხვა მოწვეულ სტუმრებს წარუდგინეს. შეხვედრის მონაწილეებმა 1811 წელს საქართველოს სამოციქულო მართლმადიდებელი ეკლესიის ავტოკეფალიის დაკარგვიდან 1917 წელს, მის აღდგენამდე განვითარებულ მოვლენებზე იმსჯელეს.