დღეს, 4 მარტს, მართლმადიდებლობის ზეიმზე მისმა მაღალყოვლადუსამღვდელესობამ, ბათუმის, ლაზეთისა და ჩრდილოეთ ამერიკის მიტროპოლიტმა დიმიტრიმ წმინდა სინოდის წევრებთან და სამღვდელოებასთან სამშობლოს ერთიანობისათვის თავდადებულ მამულიშვილთა საფლავთან საღმრთო ლიტურღია აღავლინა.

უამინდობის მიუხედავად, ღია ციას ქვეშ, სადღესასწაულო წირვას დაახლოებით 3000-ამდე ადამიანი დაესწრო.

მიტროპოლიტ დიმიტრისთან ერთად საღვთო ლიტურგია შემოქმედის მიტროპოლიტმა იოსებმა, ბორჯომისა და ბაკურიანის მიტროპოლიტმა სერაფიმემ, ჭყონდიდის მიტროპოლიტმა პეტრემ, სხალთის ეპისკოპოსმა სპირიდონმა და ბოლნისის ეპისკოპოსმა ეფრემმა აღავლინა.

მიტროპოლიტმა დიმიტრიმ სამშობლოს ერთიანობისათვის თავდადებულ მამულიშვილთა საფლავზე აღმართული ჯვარი აკურთხა.