სრულიად საქართველოს კათოლიკოს-პატრიარქის, მცხეთა-თბილისის მთავარეპიკოსპოსის და ცხუმ-აფხაზეთისა და ბიჭვინთის მიტროპოლიტის, უწმინდესისა და უნეტარესის ილია მეორის ვიზიტი წმინდა მიწაზე დასასრულს უახლოვდება.

საქართველოს ეკლესიის საჭეთმპყრობელი იერუსალიმში საერო და სასულიერო დელეგაციის თანხლებით 16 თებერვალს გაემგზავრა. კათოლიკოს-პატრიარქი ვიზიტის ფარგლებში იერუსლიმის მართლმადიდებელი ეკლესიის წინამძღოლს, პატრიარქ თეოფილე მეორეს შეხვდა. საქართველოს ეკლესიის მეთაურმა წმინდა მიწაზე მცხოვრები ქართველებიც დალოცა. უწმინდესმა და უნეტარესმა მართლმადიდებლური დელეგაციის თანხლებით მაცხოვრის საფლავი, ყოვლადწმინდა ღვთისმშობლის შობის ადგილი, წმინდა ქალწულის განსასვენებელი და წმინდა მიწაზე არსებული სხვა სიწმინდეები მოილოცა.

ვიზიტის ფარგლებში კათოლიკოს-პატრიარქი ისრაელისა და პალესტინის ლიდერებსაც შეხვდა. საქართველოს მართლმადიდებელელი ეკლესიის დელეგაცია სამშობლოში 25 თებერვალს დაბრუნდება.