სრულიად საქართველოს კათოლიკოს-პატრიარქი, მცხეთა თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი უწმინდესი და უნეტარესი ილია მეორე კონსტანტინეპოლის საპატრიარქო დელეგაციის წევრებს შეხვდა. საქართველოს ეკლესიის მწყემსმთავარმა სტუმრებს საპატრიარქო რეზიდენიციაში უმასპინძლა. როგორც დელეგაციის წევრებმა აღნიშნეს, კონსტანტინეპოლის პატრიარქი ბართლომეოს პირველი და მსოფლიო საპატრიარქო მხარს უჭერს საქართველოს ტერიტორიულ მთლიანობას და აღიარებს, რომ აფხაზეთი ჩვენი ქვეყნის განუყოფელი ნაწილია და ცხუმ-აფხაზეთის ეპარქია საქართველოს საპატრიარქოს იურისდიქციაში შედის. დელეგაციის წევრები კონსტანტინეპოლიდან გუშინ ჩამოვიდნენ, მსოფლიო საპატრიარქოს წარმომადგენლები საქართველოს დღეს დატოვებენ.