“ჩვენთან არს ღმერთი!

ღმერთმა დაგლოცოთ, გაგახაროთ და გაგაძლიეროთ! დღეს მივემგზავრები გერმანიაში, ბერლინში. იქ უნდა გამსინჯონ ექიმებმა. თქვენი ლოცვების იმედით მივდივარ. ილოცეთ ჩვენთვის, ჯვარი გეწეროთ და მშვიდობა მოგცეთ უფალმა!”- ამ სიტყვებით მიმართა სრულიად საქართველოს კათოლიკოს-პატრიარქმა მრევლს სამების საკათედრო ტაძარში საკვირაო ქადაგებისას.

უწმიდესი და უნეტარესი ილია მეორე გერმანიაში სამედიცინო გამოკვლევისთვის მიემგზავრება. ბერლინის ერთ-ერთ კლინიკაში მას მორიგი პროფილაქტიკური სამედიცინო გამოკვლევები ჩაუტარდება.

პატრიარქი გერმანიაში თებერვლის დასაწყისამდე დარჩება და საქართველოში, სავარაუდოდ, 4 თებერვალს დაბრუნდება.