14 იანვარს, სრულიად საქართველოს კათოლიკოს-პატრიარქმა, მცხეთა თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტარესმა ილია II-მ ყოვლადწმინდა სამების საპატრიარქო ტაძარში ახალი წლის პარაკლისი გადაიხადა. საქართველოს ეკლესიის მეთაურმა პარაკლისის დაწყებამდე სრულიად საქართველოს ახალი წლის დღესასწაული მიულოცა და ტაძარში შეკრებილი მრევლი დალოცა. მსახურების დასასრულს კი სადღესასწაულოდ გამზადებული ტკბილეული აკურთხა, რომელიც მრევლში დარიგდა.