პატრიარქის ნათლული კიდევ 515 ჩვილი გახდება. საყოველთაო ნათლობისთვის პატარების რეგისტრაცია 25-27 დეკემბერს მიმდინარეობდა. 21-ე ნათლობის დრო და ადგილი ჯერ დაზუსტებული არ არის.

სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი, უწმინდესი და უნეტარესი ილია მეორე უკვე 10 300-ზე მეტი ბავშვის ნათლიაა. პატრიარქის ნათლულები ჯვარდაწერილი ოჯახების მე-3 და შემდეგი შვილები არიან.

ჩვილთა პირველი საყოველთაო ნათლობა ყოვლადწმინდა სამების საპატრიარქო ტაძარში 2008 წლის 19 იანვარს შედგა. კათოლიკოს-პატრიარქის ინიციატივის მიზანი ქვეყანაში დემოგრაფიული მდგომარეობის გაუმჯობესებაა.