სრულიადსაქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტარესმა ილია მეორემ არქიმანდრიტ რაფაელ კარელინს 80 წლის იუბილე მიულოცა.

არქიმანდრიტი რაფაელი 1931 წელს თბილისში დაიბადა. საშუალო და უმაღლესი განათლების მიღების შემდეგ 1954 წელს ბერად აღიკვეცა. არქიმანდრიტი რაფაელი მალევე ილორის წმინდა გიორგის სახელობის ეკლესიაში გაამწესეს. ის მოგვიანებით სოხუმშიც მსახურობდა. მის კალამს ეკუთვნის არაერთი წიგნი თუ საგაზეთო სტატია. შეხვედრის დასასრულს საქართველოს ეკლესიის მეთაურმა არქიმანდრიტ რაფაელს სიმბოლური საჩუქრები გადასცა.