მორიგი საყოველთაო ნათლობისთვის რეგისტრაცია დაიწყო. სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის და ბიჭვინთისა და ცხუმ-აფხაზეთის მიტროპოლიტის უწმინდესისა და უნეტარესის ილია მეორის მომავალი ნათლულების დარეგისტრირება ფონდ ”ლაზარეს” ოფისში 12-დან 16 სააათამდე მიმდინარეობს. კათოლიკოს-პატრიარქი უკვე 10 300-ზე მეტი ბავშვის ნათლიაა. საქართველოს ეკლესიის მეთაურის ნათლულები ჯვარდაწერილი ოჯახების მე-3 და შემდეგი შვილები არიან. საყოველთაო ნათლობისთვის რეგისტრაციის გასავლელად მოქალაქემ ჯვრისწერისა და ქორწინების მოწმობა, ბავშვების დაბადებისა და ნათლობის მოწმობების ასლები, საოჯახო და საპასპორტო ფოტოები 27 დეკემბრამდე უნდა წარადგინოს . ჩვილთა პირველი საყოველთაო ნათლობა ყოვლადწმინდა სამების საპატრიარქო ტაძარში 2008 წლის 19 იანვარს შედგა. მორიგი სახალხო ნათლობის თარიღი კი ჯერჯერობით დაზუსტებული არ არის.