2 დეკემბერს 14:00 საათზე, სრულიად საქართველოს კათოლიკოს-პატრიარქის საერთაშორისო საქველმოქმედო ფონდის ოფისში, პროექტის  - „ვაჩუქოთ ერთმანეთს სიყვარული“ - ფარგლებში გაიმართება თბილისის #55 საჯარო სკოლის უმცროსკურსელთა ნახატების საქველმოქმედო გამოფენა-გაყიდვა.

სრულიად საქართველოს კათოლიკოს-პატრიარქის საერთაშორისო  საქველმოქმედო ფონდში,  პროექტის -  „ვაჩუქოთ ერთმანეთს სიყვარული“ -  ფარგლებში გამოფენები რეგულარულად ეწყობა, რომელშიც მონაწილეობენ თბილისის სხვადასხვა საჯარო სკოლის უმცროსკლასელები.

ამჯერად, პროექტის ფარგლებში ფონდი თანამშრომლობას იწყებს არასამთოვრობო ორგანიზაციასთან - ,,მზრუნველი მშობლები ინვალიდი ბავშვებისათვის“. აღნიშნული ორგანიზაციის მიზანია გაზარდოს საზოგადოების, სახელმწიფოს და საერთაშორისო ორგანიზაციების მონაწილეობა ყველა იმ  გადაწყვეტილებების მიღების პროცესში, რომელიც გავლენას ახდენს  ინვალიდი და უნარშეზღუდული  ბავშვების ცხოვრებაზე.

საქველოქმედო გამოფენა-გაყიდვის შედეგად შემოსული თანხა, სათამაშოები და სხვა ნივთები    გადაეცემა  მათ და მოხმარდება შეჭირვებული ოჯახების ინვალიდი და უნარშეზღუდული  ბავშვებისათვის მედიკამენტებისა და სხვა საჭირო ნივთების შეძენას.

ამ აქციით სრულიად საქართველოს კათოლიკოს-პატრიარქის საერთაშორისო  საქველმოქმედო ფონდი ეხმაურება შეზღუდული შესაძლებლობების მქონე პირთა სოლიდარობის საერთაშორისო დღეს.

ღონისძიების ორგანიზატორები არიან სრულიად საქართველოს კათოლიკოს-პატრიარქის საერთაშორისო საქველმოქმედო ფონდი და საქართველოს კულტურის ხელშეწყობისა და განვითარების ფონდი.