სრულიად საქართველოს სათოლიკოს პატრიარქი, მცხეთა თბილისის მთავარეპისკოპოსი და ბიჭვინთისა და ცხუმ-აფაზეთის მიტროპოლიტი, უწმინდესი და უნეტარესი ილია მეორე ანსამბლ ’’ორერას’’ წევრებს შეხვდა. საქართველოს ეკლესიის მეთაურმა სტუმრები დალოცა  და ქართულ მუსიკალურ სფეროში მათ წვლილზე ისაუბრა. ანსამბლის წევრებმა კათოლიკოს-პატრიარქი 20 დეკემბერს ’’ორერას’’ საიუბილეო კონცერტზე მიიწვიეს.

ვოკლაურ-ინსტრუმენტალური ანსამბლი ორერა ნახევარი საუკუნის წინ მომღერლების: რობერტ ბარძიმაშვილის, თეიმურაზ დავითაიას, ზურაბ იაშვილისა და თამაზ ფანჩვიძის თაოსნობით დაფუძნდა. 50 წლიანი მოღვაწეობის განმავლობაში მათ მიერ არაერთი სიმღერა შეიქმნა. ანსამბლის წევრები 20 დეკემბერს, ფილარმონიის დიდ საკონცერტო დარბაზში ორი საათით მსმენელს ძველ დროში დააბრუნებენ.

შეხვედრის დასრულების შემდეგ ’’ორერას’’ წევრებმა კათოლიკოს-პატრიარქის საგალობლებიც მოისმინეს.