“უფალი ჩვენი იესო ქრისტე ბრძანებს: “იყავით სრულყოფილნი ვითარცა მამა თქვენი ზეციერი სრულყოფილ არს”. ადამიანი ვერასოდეს იქნება ისეთი სრულყოფილი, როგორც მამა ზეციერია. ეს მიგვითითებს იმაზე, რომ სრულყოფის პროცესი დაუსრულებელია. ადამიანი დგას ან სრულყოფის, ან დაცემის გზაზე. ის დაუსრულებლად დაეცემა, თუ არაფერმა უშველა. ხოლო თუ სრულყოფილების კიბეზე დგას, ის ბოლომდე ავა. მაგრამ უნდა ვიცოდეთ, რა გზები არსებობს სრულყოფილებისთვის. ჩვენი სარწმუნოება, სიყვარული, მიმტევებლობა და ის სიკეთე, რასაც ჩვენ ვაკეთებთ ჩვენს ცხოვრებაში – ეს ყველაფერი არის აუცილებელი პირობაა, რომ ადამიანი სრულყოფის გზაზე დადგეს. ის დაცემას ხშირად ვერ გრძნობს და ჰგონია, სრულყოფის გზაზე დგას.

არის კიდევ ერთი პირობა, რომელიც ხელს უწყობს სრულყოფას, ეს არის სიმშვიდე. ეს ისეთი თვისებაა, რომელიც აკლია თანამედროვე კაცობრიობას, თანამედროვე ადამიანს”.

სრულიად საქართველოს კათოლიკოს-პატრიარქი, უწმიდესი და უნეტარესი ილია II

27.11.2011