დიდუბეში, სამტრედიის ქუჩაზე მდებარე წმინდა გიორგის სახელობის ტაძარი დღეს მარტყოფისა და გარდაბნის ეპისკოპოსმა იაკობმა აკურთხა და ახლადგახსნილ ეკლესიაში პირველი წირვა-ლოცვა აღავლინა. ტაძრის გახსნაზე სრულიად საქართველოს კათოლიკოს-პატრიარქი, მცხეთა თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი, უწმიდესი და უნეტარესი ილია მეორე მიბრძანდა. საქართველოს ეკლესიის მეთაურმა მრველს ტაძრის კურთხევა მიულოცა და მღვდელმსახურებთან ერთად წმინდა გიორგისადმი სავედრებელი პარაკლისი აღავლინა. წმინდანისადმი სავედრებელი პარაკლისის დასრულების შემდეგ საქართველოს კათოლიკოს-პატრიარქმა ტაძრის წინამძღვარი და მღვდელმსახურები დამსახურებული ღვაწლის გამო დაადილოდვა. ეკლესიის წინამძღვარი დეკანოზი ანტონ ხავთაძე მეორე გამშვენებული ჯვრის უფლებით, დეკანოზი ზურაბ დრიგალაშვილი გამშვენებული ჯვრის ტარების უფლებით, მღვდელი ზურაბ გოგიტიძე კი დეკანოზის ხარისხში აღამაღლა.

ბაზილიკური ტიპის ტაძრის მშენებლობას საძირკველი სრულიად საქართველოს კათოლიკოს პატრიარქის ლოცვა კურთხევით 2003 წელს ჩაეყარა. ეკლესიის მშენებლობაც ამავე წელს დაიწყო. მთავარი სამუშაოები უკვე დასრულებულია. ეკლესიის საკურთხევლის მოხატვაზე მღვდელმა იოსებ ჭინჭარაძემ იმუშავა.