სიახლეები
საქართველოს კათოლიკოს-პატრიარქს ჯაზ-აკორდეონისტი რიშარ გალიანო ეწვია
14/11/2011
სრულიად საქართველოს კათოლიკოს-პატრიარქს, მცხეთა თბილისის მთავარეპისკოპოსსა და ბიჭვინთისა და ცხუმ-აფხაზეთის მიტროპოლიტს, უწმინდესსა და უნეტარეს ილია მეორეს საქართველოში სტუმრად მყოფი ცნობილი ჯაზ-აკორდეონისტი რიშარ გალიანო ეწვია. შეხვედრა საპატრიარქოს რეზიდენციაში გაიმართა.
საქართველოს ეკლესიის მეთაურმა სტუმრები დალოცა და მათ საგალობლები: "ავე მარია", "სანკტუს", "კირიე ელეისონ" და "მოდი ჩემთან უფალო" მოასმენინა. შეხვედრაზე რამდენიმე კომპოზიცია ფრანგმა მუსიკოსმა თავადაც შეასრულა. შეხვედრის დასასრულს საქართველოს ეკლესიის მეთაურმა სტუმრებს სიმბოლური საჩუქრები გადასცა და მათ საპატრიარქოს ყვავილების ორანჟერიაც დაათვალიერებინა.
რიშარ გალიანო თბილისს უკვე მეოთხედ სტუმრობს. პირველი კონცერტი საქართველოში მან 2006 წელს გამართა. ჯაზ-აკორდეონისტი დედაქალაქში გუშინ საკუთარ კვინტეტთან ერთად ჩამოვიდა.
მუსიკოსთა ჯგუფ ”ლა სტრადას” კონცერტი თბილისის დიდ საკონცეტრო დარბაზში გაიმართა და კვინტეტმა ჯაზის მოყვარულებისთვის ცნობილი იტალიელი კომპოზიტორის ნინო როტას კინომუსიკის ინტერპრეტაცია ააჟღერა.
მუსიკოსები საქართველოში 13 ნოემბრამდე დარჩებიან.
სხვა სიახლეები
-
27/11/2019
სრულიად საქართველოს კათოლიკოს-პატრიარქს საქართველოში მოღვაწე ელჩები ეწვივნენ
-
25/11/2019
სრულიად საქართველოს კათოლიკოს-პატრიარქის ქადაგება გიორგობის დღესასწაულზე (23.11.2019)
-
25/11/2019
სამების საკათედრო ტაძარში 61-ე საყოველთაო ნათლობა ჩატარდა
-
20/11/2019
საქართველოს მართლმადიდებელი ეკლესიის დელეგაციის ვიზიტი ბრიუსელში
-
20/11/2019
სრულიად საქართველოს კათოლიკოს-პატრიარქი საფრანგეთის ელჩს შეხვდა
-
19/11/2019
სტუმრობა საპატრიარქოში
-
18/11/2019
სრულიად საქართველოს კათოლიკოს-პატრიარქის ქადაგება (17.11.2019)


















