31 ოქტომბერს პროექტის “ახალგაზრდების შეხვედრები ცნობილ ადამიანებთან” ფარგლებში შედგა გასვლითი ღონისძიება საგარეჯოს რაიონ სოფ. ბადიაურში, სადაც მოსახლეობის ძირითად ნაწილს მუსლიმი მოსახლეობა შეადგენს. მანამდე, კი 18 ოქტომბერს საორგანიზაციო საკითხების მოგვარების მიზნით ბადიაურის საჯარო სკოლას ეწვიენ პროექტის კოორდინატორები ნინო ცაგარელი და მარიამ დავითაშვილი, რომლებიც შეხვდნენ სკოლის დირექტორსა და საგარეჯოს რაიონის რესურს-ცენტრის დირექტორს გივი დუჩიძეს და შესთავაზეს ახალგაზრდების შეხვედრის მოწყობა ცნობილ ხელოვანთან, საქართველოსა და დაღესტნის სახალხო მხატვართან მანაბა მაგომედოვასთან და მის ქალიშვილთან დაღესტნის დამსახურებულ მხატვართან ლეილა იზაბაკაროვსათან.

შეხვედრა შედგა 31 ოქტომბერს ბადიაურის საჯარო სკოლაში, რომელსაც დაესწრო როგორც აზერბაიჯანელი დაქართველი მოსწავლეები, ასევე მასწავლებლებიც. ნაჩვენები იყო მოკლემეტრაჟიანი დოკუმენტური ფილმი მხატვრების ოჯახზე, რითაც მათ ცხოვრებასა და შემოქმედებას აუდიტორია უფრო კარგად გაეცნო. ქალბატონმა მანაბამ და ქალბატონმა ლეილამ ისაუბრეს ქართულ კულტურაზე იმ საუკეთესო ურთიერთობებზე, რაც მათ ქართველ მხატვრებთან აკავშირებთ. შეხვედრამ აუდიტორიის მხრიდან დიდი ინტერესი და აღფრთოვანება მოჰყვა. დასასრულ, სტუმრებმა ახალგაზრდებს უსახსოვრეს კატალოგები და DVD ავტოგრაფებით, ასევე ერთად გადაიღეს სამახსოვრო ფოტოები.

პროექტი “ახალგაზრდების შეხვედრები ცნობილ ადამიანებთან” ხორციელდება საერთაშორისო არასამთავრობო ორგანიზაცია " World Vision"-ის მხარდაჭერით.