სრულიად საქართველოს კათოლიკოს–პატრიარქი მცხეთა–თბილისის მთავარეპისკოპოსი და ბიჭვინთისა და ცხუმ–აფხაზეთის მიტროპოლიტი უწმინდესი და უნეტერესი ილია მეორე ხონისა და სამტრედიის ეპარქიას ესტუმრა. საქართველოს ეკლესიის მეთაურმა წმინდა სინოდის წევრებთან ერთად სოფელ ნაბაკევში წმინდა მიტროპოლიტი ნაზარი ლეჟავას სახელობის ტაძარი მოილოცა. კათოლიკოს-პატრიარქი სამტრედიის მართლმადიდებლურ სკოლასაც ესტუმრა, მხატვრულ-მუსიკალურ ღონისძიებას დაესწრო და მოსწავლეები და პედაგოგები დალოცა.