დარიალის მთავარანგელოზთა მიქაელისა და გაბრიელის სახელობის ტაძარში საზეიმო წირვა აღესრულა. წირვა სრულიად საქართველოს კათოლიკოს პატრიარქმა, მცხეთა თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა უწმინდესმა და უნეტარესმა ილია მეორემ აღასრულა.

ღვთისმსახურებას მღვდელმთავრები და მღვდელმსახურები ესწრებოდნენ. სავედრებელ ლოცვაში ადგილობრივი მრევლი და საქართველოს ყოველი მხრიდან ჩამოსული მომლოცველები მონაწილეობდნენ. დარიალის ხეობაში ახალი მონასტრის მოსალოცად საქართველოს პრეზიდენტი მიხეილ სააკაშვილი ჩამობრძანდა. წირვის დასრულების შემდეგ სრულიად საქართველოს კათოლიკოს-აპტრირქმა უწმინდესმა და უნეტერესმა ილია მეორემ მონასტრის კტიტორებს მადლლობა გადაუხადა. სტეფანწმინდისა და ხევის ეპარქიაში არსებულ საკითხებზე გაესაუბრა საქართველოს პრეზიდენტსაც.

14 სექტემბერს, მთავარანგელოზათა მონასტერში, უწმინდესისა და უნეტარესის ილია მეორის ლოცვა-კურთხევით ორი ტრაპეზი ეკურთხა. მათ შორის პირველი,  პირველ სართულზე მდებარე - ყოველთა წმიდათა, ხოლო მეორე სართულზე - წმიდათა მთავარანგელოზთა სახელზე. ტრაპეზთა კურთხევამდე საქართველოს პატრიარქმა სავედრებელი პარაკლისი აღასრულა. საქართველოს პატრიარქმა ლავრის წინამძღვრად არქიმანდრიტი იოსებ თავაძე დაადგინა.