იოანე ნათლისმცემლის თავის კვეთის დღე ახალი სტილით 11 სექტემბერს (ძვ. სტილით 29 აგვისტოს) აღინიშნება. ქრისტიანები ამ დღეს მძიმე მარხვით ხვდებიან.

უფალმა იოანე ნათლისმცემლის ხელიდან მიიღო ნათლობის მადლი, ამიტომ ეწოდა მას “ნათლისმცემელი”. უდიდესი წინასწარმეტყველი, უფლის წინამორბედი,  მოწამეობრივად აღესრულა.

 “თუ საქართველო მართლმადიდებლურ სარწმუნოებას შეინარჩუნებს, ჩვენ ვცხონდებით და ქვეყანა გადარჩება”, – ამის შესახებ სრულიად საქართველოს კათოლიკოს-პატრიაქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტერესმა ილია მეორემ სამების საკათედრო ტაძარში საკვირაო ქადაგებისას განაცხადა.

უწმინდესის განცხადებით, ქართველ ერს უნდა ახსოვდეს, რომ მართლმადიდებლური სარწმუნოება, რომელიც წინაპრებმა შემოინახეს, არის საქართველოს საცხონებელი საშუალება.