ა.წ. 27 აპრილს სრულიად საქართველოს კათოლიკოს-პატრიარქმა, უწმინდესმა და უნეტარესმა ილია II-მ საპატრიარქო რეზიდენციაში საქართველოს საფეხბურთო კლუბ ,,დინამოს” პრეზიდენტი, ბატონი რომან ფიფია და ვიტალი დარასელიას სახელობის იუნორთა საერთაშორისო საფეხბურთო ტურნირის მონაწილე სპორტსმენები მიიღო, რომლებიც წარმოადგენენ ჰოლანდიის, ესპანეთის, იტალიის, რუსეთის, უკრაინის, ბელორუსისა და საქართველოს კლუბებს.

როგორც ბატონმა რომანმა აღნიშნა, ,,ტურნირის ფინალი კვირას შედგება და მიუხედავად იმისა, თუ ვინ გაიმარჯვებს, გამარჯვებულები ქართველი სპორტსმენები მაინც იქნებიან, რადგან ამ ტურნირის საშუალებით ისინი საერთაშორისო ასპარეზზე გავიდნენ და დიდი გამოცდილება შეიძინეს”.

ეს მართლაც მნიშვნელოვანი ფაქტია და წინაპირობა იმისა, რომ ქართულ ფეხბურთს საიმედო მომავალი თაობა ეყოლება.

უწმინდესმა და უნეტარესმა ილია II-მ აკურთხა ახალგაზრდა სპორტსმენები და ცხოვრების გზა დაულოცა მათ.