11 დეკემბერს  საქართველოს საპატრიარქოში შედგა თბილისის სასულიერო აკადემია-სემინარიაში დაარსებული სამეცნიერო საბჭოს პირველი სხდომა, რომელზეც აღნიშნული სასწავლებლის დოქტორანტმა ირაკლი ორჟონიამ წარმატებით დაიცვა სადოქტორო ნაშრომი ,,ეკლესიის მამათა ჰექსემერონული კომენტარების თეოლოგიური ანალიზი”. 

ხაზგასმით უნდა აღინიშნოს, რომ საქართველოს ეკლესიის ისტორიაში ეს არის პირველი შემთხვევა (რა თქმა უნდა ვგულისხმობთ ბოლო საუკუნეებს), როდესაც ჩვენს აკადემია-სემინარიას მიეცა შესაძლებლობა სადისერტაციო საბჭო თავის წიაღში ჩამოეყალიბებინა და თეოლოგიის დოქტორის ხარისხი ამ სივრცეში მიენიჭებიათ. ასე რომ ბატონი ირაკლი ორჟონია პირველი ქართველია, რომელმაც პირველად გამართულ თსას სადისერტაციო საბჭოზე დაიცვა სადოქტორო  ღვთისმეტყველებაში.

ღონისძიებაზე სიტყვითგამოვიდნენ სრულიადსაქართველოს კათოლიკოს-პატრიარქი ილია II, საქართველოს პრეზიდენტი, ბატონი გიორგიმარგველაშვილი; პრემიერ-მინისტრი, ბატონიგიორგი კვირიკაშვილი; განათლების მინისტრი, ბატონი მიხეილჩხენკელი;  პროტოპრესვიტერი გიორგი ზვიადაძე; ფილოლოგიისა დაღვთისმეტყველების დოქტორი, ბატონი ედიშერჭელიძე დადოქტორანტი ირაკლიორჟონია.

საზეიმოსხდომას ასევე ესწრებოდნენქალაქ თბილისის მერი, ბატონი კახი კალაძე, მინისტრთა კაბინეტისა და პარლამენტის წევრები, უნივერსიტეტების რექტორები, მეცნიერები, ასევე სრულიად საქართველოს კათოლიკოს-პატრიარქისმოსაყდრე მიტროპოლიტი შიო (მუჯირი), ქორეპისკოპოსი მიტროპოლიტი თეოდორე (ჭუაძე), წმინდა სინოდის სხვა წევრები და სამღვდელოება.