სრულიად საქართველოს კათოლიკოს-პატრიარქი , მცხეთა-თბილისის მთავარეპისკოპოსი, ცხუმ-აფხაზეთისა და ბიჭვინთის მიტროპოლიტი უწმინდესი და უნეტარესი ილია მეორე ბათუმის ღვთისმშობლის შობის სახელობის საკათედრო ტაძარში აჭარაში მცხოვრებ აფხაზებს მონათლავს.

მანამდე კი კათოლიკოს -პატრიარქმა ბათუმის წმინდა ნიკოლოზის სახელობის ტაძარი მოილოცა. უწმინდესმა და უნეტარესმა ეკლესიას იერუსალიმიდან ჩამოტანილი ჯვარი შესწირა. კათოლიკოს-პატრიარქმა შეკრებილ მრევლს ქადაგებით მიმართა და ის პერიოდი გაიხსენა , როცა წმინდა ნიკოლოზის სახელობის ტაძარში 7 წლის განმავლობაში მსახურობდა. როგორც კათოლიკოს-პატრიარქმა ბრძანა, წმინდა ნიკოლოზის მადლით სრულიად საქართველო გაერთიანდება.