საქართველოში ხვალ, ტრანსპლანტაციის საერთაშორისო ქსელის სასწავლო ვიზიტი იწყება. აღნიშნულის თაობაზე, ხვალ, თურქეთიდან ჩამოსული ტრანსპლანტოლოგთა ჯგუფი პრესკონფერენციას გამართავს. საქართველოში ვიზიტით იმყოფება ტრანსპლანტაციის საერთაშორისო ქსელი ITN-ის ტექნიკური გუნდი, ტრანსპლანტოლოგები, კერძოდ თირკმლის და ღვიძლის გადანერგვის ქირურგები, ასევე ჯანდაცვის ბიზნეს-ექსპერტები. 

ვიზიტს მასპინძლობს საქართველოს ტრანსპლანტოლოგთა ასოციაცია ხელმძღვანელი, პროფესორი გია თომაძე, რომელსაც რამდენიმეწლიანი ურთიერთობა აკავშირებს თურქეთის ტრანსპლანტაციის ფონდთან, რომლის თავმჯდომარეა ეიაფ კავეჩი. ვიზიტის ფარგლებში ჩატარდება სემინარები, რომლის ძირითადი თემებია: ორგანოთა დონაცია და ტრანსპლანტაცია თურქეთსა და საქართველოში, ტრანსპლანტაციის საერთაშორისო ქსელი, ცოცხალი და გვამური დონორის ღვიძლის გადანერგვა, ICU ღვიძლის ტრანსპლანტაციაში და სხვ. 

ვიზიტის ერთ-ერთმთავარ მიზანს წარმოადგენს გვამურ ორგანოთა გადანერგვის პროგრამის დაწყება და HLA ლაბორატორიის შექმნა. პრესკონფერენცია 27 თებერვალს, 18:00 საათზე, სასტუმრო „ბილტმორ თბილისში“ გაიმართება. 

საქართველოს ტრანსპლანტოლოგთა ასოციაციის საინფორმაციო ცენტრის მონაცემებით, საქართველოში დღეისათვის 257 ორგანოგადანერგილი პაციენტი ცხოვრობს. მათგან 203 თირკმელგადანერგილია, 52 ღვიძლგადანერგილი, ხოლო 2 გულგადანერგილი. დარგის განვითარებას აფერხებს ისფაქტი, რომ ქვეყანაში არ არსებობს გვამური დონაცია. ამ მიზანს ემსახურება თურქი კოლეგების ჩამოსვლა დადაპირებული ქსოვილოვანი ტიპირების ლაბორატორიის ჩამოყალიბება.