ოთხტომეული უკვე შეიქმნა საქართველოს პატრიარქის ცხოვრებისა და მოღვაწეობის ამსახველ საარქივო მასალებზე დაყრდნობით და ილია II-ისშესახებ დღემდე გაუსაჯაროებელ დოკუმენტებს აერთიანებს. 

წიგნი „ილია II“ პატრიარქის ცხოვრებისა დამოღვაწეობის გზას ასახავს. კრებულში თავმოყრილია მრავალი სახის ინფორმაცია: საოჯახო წერილები, ბავშვობის, სტუდენტობისა და მისი შემდგომი პერიოდის პირადი ფოტოები, ოფიციალური მიმოწერები საჯარო პირებთან და სხვა დოკუმენტები. წიგნში განთავსებულია მხოლოდ საპატრიარქოს არქივში დაცული მასალები. მასში ვერშევხვდებით თხრობასა დაავტორისეულ შეფასებებს პატრიარქის შესახებ. კრებულში მოცულობითი ინფორმაციაა არამხოლოდ პატრიარქის ცხოვრების შესახებ, არამედ საქართველოს უახლოესი ისტორიიდან. ილია მეორის მოღვაწეობის კონტექსტში აღწერილია პროცესები დამოვლენები, რომლებიც რამდენიმე ათეული წლის განმავლობაში ხდებოდა ქვეყანაში. 

წიგნი შეადგინა საპატრიარქოს არქივის ხელმძღვანელმა მზია კაცაძემ, რომელმაც 25 ათასამდე დოკუმენტიდან აარჩია მასალები. კრებულში პატრიარქის ცხოვრების დეტალები ქრონოლოგიურადაა დალაგებული. ოთხტომეულის შეძენა პატრიარქის ცხოვრებისა დამოღვაწეობის შესახებ მკითხველს 19 დეკემბრიდან შეეძლება.