თბილისის სახელმწიფო კონსერვატორიაში კონსერვატორიისა და ესტონეთის მუსიკისა და თეატრის აკადემიის ერთობლივი პროექტი „ესტონური დღეები“ იმართება.

 2 ნოემბერს კონსერვატორიის მცირე დარბაზში კონსერვატორიისა და ესტონეთის მუსიკისა და თეატრის აკადემიის ერთობლივი კონცერტი, სახელწოდებით „Faraway, So Close” გაიმართება.

ღონისძიებაში მონაწილეობენ მანანა დოიჯაშვილი (ფ-ნო), ნინო ჟვანია (ფ-ნო), გიორგი ხაინდრავა (ვიოლინო), თამარ ლიჩენი (ფ-ნო), ჰენრი-დავიდ ვარემა (ჩელო, ესტონეთი) და კონსერვატორიის მაგისტრატურის გუნდი.

”ესტონური დღეები“ ევროკავშირის რეგიონული განვითარების ფონდის, ორგანიზაცია Study In Estonia და ესტონეთის მუსიკისა და თეატრის აკადემიის მიერაა დაფინანსებული. პროექტის ფარგლებში თბილისის სახელმწიფო კონსერვატორიაში ესტონეთის მუსიკისა და თეატრის აკადემიის პროფესორები მასტერკლასებს ჩაატარებენ.