საქართველოს ეროვნული მუსიკალური ცენტრი და ნიკოლოზ რაჭველი თბილისის ოპერისა და ბალეტის თეატრში კლასიკურ ნაწარმოებებს წარმოადგენს, რომლებიც უილიამ შექსპირის პიესების მიხედვით შეიქმნა.ღონისძიება 26 ოქტომბერს, 19:30 საათზე გაიმართება.

ევგენი მიქელაძის სახელობის საქართველოს ეროვნულ სიმფონიურ ორკესტრს მაესტრო ვახტანგ მაჭავარიანი უდირიჟორებს, სოლისტი - მეგი ჩიხრაძე (სოპრანო) იქნება.

შესრულდება ლუდვიგ ვან ბეთჰოვენის უვერტიურა კორიოლანი, ალექსი მაჭავარიანის სიუიტა ოპერიდან ჰამლეტი და ნაწყვეტები ბალეტიდან ოტელო, პიოტრ ჩაიკოვსკის რომეო და ჯულიეტა. პრემიერა - ვახტანგ მაჭავარიანის 10 სონეტი უილიამ შექსპირის ტექსტზე.