გამოფენა „აქ იქ – ადგილმდებარეობის საკითხები. ქართული თანამედროვე ხელოვნება" გაიმართება

თბილისის ისტორიის მუზეუმში, პროექტის „თანამედროვე ხელოვნების გალერეა" ფარგლებში, გამოფენა სახელწოდებით „აქ იქ – ადგილმდებარეობის საკითხები. ქართული თანამედროვე ხელოვნება" გაიმართება. ღონისძიება 15 ოქტომბერს, 17:00 საათზე გაიხსნება.

პროექტი ,,თანამედროვე ხელოვნების გალერეა" მიზნად ისახავს საქართველოში თანამედროვე ხელოვნების მხარდაჭერასა და განვითარებას, ხელს უწყობს თანამედროვე ქართული ხელოვნების, როგორც ადგილობრივ და რეგიონალურ, ასევე, საერთაშორისო ასპარეზზე წარმოჩენას.