დღეს, მწერალთა სახლში, წიგნის ”ქართველები – ყველაფერი ქართველთა კულტურისა და ეთნოსის შესახებ“ პრეზენტაცია გაიმართება. 

როგორც წიგნის ავტორები განმარტავენ, ნაშრომი წლების განმავლობაში იქმნებოდა ”ისტორიის, ეთნოლოგიის, რელიგიის შესწავლისა და პროპაგანდის სამეცნიერო ცენტრის“ მიერ.

„ეთნიკური და პოლიტიკური ისტორია, წერილობითი და მატერიალური კულტურა, მეურნეობა, რელიგიური რწმენა-წარმოდგენები, საზოგადოებრივი ცხოვრება და ქართველთა დიასპორები“,- ეს იმ თემათა მცირე ჩამონათვალია, რომელსაც ნაშრომი აერთიანებს. მონოგრაფიაში გამოყენებულია მკლევართა მიერ საქართველოს სხვადასხვა კუთხეში გადაღებული ფოტომასალა; ასახულია ფოტოები „საქართველოს ეროვნული მუზეუმის“, „ხელნაწერთა ეროვნული ცენტრის“, „საქართველოს ეთნოგრაფიული მემკვიდრეობის დაცვის ფონდისა“ და სხვა ორგანიზაციების ფონდებიდან.