თბილისის დიდ საკონცერტო დარბაზში 30 სექტემბერს საქველმოქმედო კონცერტი გაიმართება, რომელზეც "სუხიშვილები" ძველი და ახალი პროგრამით წარდგებიან მაყურებლის წინაშე.

თბილისის მერიის ცნობით, პროექტს წარმოადგენს თბილისის მერიის კულტურული ღონისძიებების ცენტრი, თენგიზ სუხიშვილის სახელობის საქველმოქმედო ფონდი და "პირველი ნაბიჯი - საქართველო". საქველმოქმედო კონცერტი მძიმე და ღრმა ინტელექტუალური შეფერხების მქონე ბავშვებისა და მოზარდების მხარდასაჭერად გაიმართება.