საქართველოს კულტურისა და ძეგლთა დაცვის სამინისტროს მხარდაჭერით, კულტურული მემკვიდრეობის დაცვის ეროვნული სააგენტოს ინიციატივითა და „თიბისი ბანკის“ დაფინანსებით, „ფიროსმანის აღდგენის“ მასშტაბური პროექტი იწყება. 

საქართველოს კულტურისა და ძეგლთა დაცვის სამინისტროს ცნობით, პროექტის პირველ ეტაპზე რესტავრაცია ნიკო ფიროსმანის მირზაანის მუზეუმის კოლექციაში დაცულ ორი ნამუშევარს - „თამარ მეფესა“ და „შოთა რუსთაველს“ ჩაუტარდება. 

დღეს ნიკო ფიროსმანაშვილის სახელობის თბილისის მუზეუმში აღნიშნული ნამუშევრები რამდენიმე საათით გამოიფინება, მათი მდგომარეობა შემოწმდება და ეროვნულ მუზეუმში გადაიგზავნება.