სოფელ კუმურდოში, მე-10 საუკუნის ერთ-ერთი უმნიშვნელოვანესი ძეგლის-კუმურდოს ტაძრისრეაბილიტაცია დაიწყო,- ამის შესახებინფორმაციას კულტურისსამინისტრო ავრცელებს.

სამინისტროსცნობით, ტაძრის პირველი ეტაპის სამუშაოები დაწყებულია. აღსადგენია გუმბათი, რომელზეც რამდენიმე წლის განმავლობაში მუშაობდნენ ცნობილი არქიტექტორები.

დღეისათვის არქეოლოგიური და გაწმენდითი სამუშაოები დასრულებულია და მიმდინარეობს საძირკვლის გამაგრება. 

კულტურული მემკვიდრეობის დაცვის ეროვნული სააგენტოს მიერ, ისტორიულ ძეგლთა დაცვისა და გადარჩენის ფონდის დაფინანსებით, დაგეგმილია ტაძრის სრულად აღდგენა. 

ამჟამად, კუმურდოს ტაძარში ჩამოქცეულია გუმბათი და კამარების დიდი ნაწილი, დანგრეულია და შემდეგ დამახინჯებულად არის აღდგენილი მთელი დასავლეთი მხარე.

ტაძრის კედლებზე შემორჩენილი წარწერებიდან ირკვევა, რომ აფხაზთა მეფის - ლეონის დროს, 964 წ-ს, იოანეეპისკოპოსის (კუმურდოელის) თაოსნობით, ქართველ ხუროთმოძღვარ საკოცარს დაუწყია ტაძრის მშენებლობა. ტაძარი კულტურულ-საგანმანათლებლო კერაც იყო.

კუმურდოს ტაძარი მე-10 საუკუნის ერთ-ერთი უმნიშვნელოვანესი ძეგლია, რომელიც ახალქალაქში, სოფელ კუმურდოში მდებარეობს.

ძეგლზე მასშტაბური აღდგენითი სამუშაოები საბჭოთა პერიოდის მერე აღარ ჩატარებულა.