ქართველი მოქანდაკე მერაბბერძენიშვილი 87 წლის ასაკშიგარდაიცვალა.

საქართველოსკულტურისა და ძეგლთა დაცვის სამინისტრო ქართველი მოქანდაკის, ფერმწერისა და გრაფიკოსის, საქართველოს სახალხო მხატვრის გარდაცვალების გამო მწუხარებას გამოთქვამს და უსამძიმრებს გარდაცვლილის ოჯახს.

მერაბ ბერძენიშვილი ძირითადად მუშაობდა მონუმენტური ქანდაკების დარგში. ის რუსთაველის სახელობის სახელმწიფო პრემიის ლაურეატი იყო.

მის ნამუშევრებს მიეკუთვნება: "რუსთაველი", ვახტანგ გორგასლის ძეგლის პროექტი; მონუმენტები: დავით გურამიშვილი, გიორგი სააკაძე, მედეა, "მუზა", "კიდევაც დაიზრდებიან...", ლაოსის მეფის მონუმენტი; პორტრეტები: ქართველი ქალი, კოტე მარჯანიშვილი და სხვები. მერაბ ბერძენიშვილი მუშაობდა გრაფიკისა და ფერწერის დარგში. აფორმებდა წიგნებს, ქმნიდა დაზგურ პორტრეტებს, თეატრალურ აფიშებსა და პლაკატებს.