ივანე ჯავახიშვილის სახელობის თბილისის სახელმწიფო უნივერსიტეტში ტემპუსის ერთობლივი პროექტის „DIMTEGU-მულტილინგვურ მასწავლებელთა მომზადების პროგრამების შექმნა და დანერგვა საქართველოსა და უკრაინის უნივერსიტეტებში" შემაჯამებელი ღონისძიება გაიმართა.

თსუ-ს ადმინისტრაციის ცნობით, ღონისძიებას თსუ-ს რექტორის მოვალეობის შემსრულებელი დარეჯან თვალთვაძე, განათლებისა და მეცნიერების მინისტრის მოადგილე გიორგი შარვაშიძე, საქართველოსა და უკრაინის უნივერსიტეტების, ტემპუსის პროექტის წარმომადგენლები და პროფესორები დასწრნენ.

თსუ-ს რექტორის მოვალეობის შემსრულებლის დარეჯან თვალთვაძის განცხადებით, პროექტი საქართველოსა და უკრაინის უნივერსიტეტებში მულტილინგვური განათლების მასწავლებლების მომზადებისთვის სპეციალური საგანმამანთლებლო პროგრამების შექმნას ითვალისწინებს.