პროგრამის “გადაიღე საქართველოში“ ფარგლებში საქართველოს, გერმანიისა და საფრანგეთის ერთობლივი კინოპროდუქციის გადაღებები დღეს გაიმართება.

მათი ინფორმაციით, პროგრამის “გადაიღე საქართველოში“ ფარგლებში ქართული მხატვრული სრულმეტრაჟიანი ფილმის გადაღებები დღეს ქინძმარაულის ქუჩის მიმდებარე ტერიტორიაზე გაიმართება, სადაც 16:00-დან 17:00 საათამდე მედიის წარმომადგენლებს საშუალება ექნებათ ფილმის „ჩემი ბედნიერი ოჯახი“ გარე სცენებზე მუშაობის პროცესს დაესწრონ. 

ასევე ჟურნალისტებს შესაძლებლობა მიეცემათ ინტერვიუ ჩამოართვან ფილმის მთავარ პერსონაჟებს, მერაბ ნინიძეს, ია შუღლიაშვილს და ფილმის რეჟისორებს, ნანა ექვთიმიშვილსა და სიმონ გროსს.