გაეროს მსოფლიო ტურიზმის ორგანიზაცია საქართველოში 7-9 სექტემბერს ღვინის ტურიზმის პირველ საერთაშორისო კონფერენციას გამართავს. ღონისძიებები თბილისში, ყვარელსა და „შატო მუხრანში“ ჩატარდება.

ტურიზმის ეროვნული ადმინისტრაცის ცნობით, ღვინის ტურიზმის პირველ გლობალურ კონფერენციაზე დასასწრებად საქართველოში გაეროს მსოფლიო ტურიზმის ორგანიზაციის გენერალური მდივანი ტალებ რიფაი ჩამოდის.

ღონისძიებაში მონაწილეობას მიიღებენ მაღალი რანგის სტუმრები 42 ქვეყნიდან (250 დელეგატი, 50 % უცხოელი სტუმარი). ღონისძიებაზე 150-ზე მეტი ორგანიზაცია იქნება წარმოდგენილი.