ქალაქ გრაცში საოპერო ხელოვნების აკადემიის მეორე საერთაშორისო მუსიკალური კონკურსი გაიმართება

4-10 სექტემბერს ავსტრიის ქალაქ გრაცში საოპერო ხელოვნების აკადემიის (Accademia Belcanto) მეორე საერთაშორისო მუსიკალური კონკურსი გაიმართება. 
კულტურისა და ძეგლთა დაცვის სამინისტროს ცნობით, კონკურსის ხელმძღვანელია Accademia Belcanto- ს პრეზიდენტი, ავსტრიაში მცხოვრები ქართველი ნათელა ნიკოლი (ნატო ჭყონია). 

სამინისტროს ინფორმაციით, წლევანდელ მუსიკალურ კონკურსში ავსტრიელ და უცხოელ დამწყებ ოპერის მომღერლებთან ერთად, ქართველი შემსრულებლებიც მიიღებენ მონაწილეობას.

საერთაშორისო მუსიკალური კონკურსის ჟიურის წევრები არიან ტერეზა ბერგანცა (მეცოსოპრანო); ჯაკომო არაგალი (ტენორი); ეთერი ლამორისი-ჭყონია (სოპრანო); ნონა ლომიძე (მუსიკათმცოდნე) და სხვები.