12 აგვისტოს ახალგაზრდობის საერთაშორისო დღე აღინიშნება. კულტურისა და ძეგლთა დაცვის სამინისტროს ცნობით, ამ დღესთან დაკავშირებით, საქართველოს კულტურისა და ძეგლთა დაცვის სამინისტროს ინიციატივით, 10:00 საათიდან 17:30 საათამდე, 14-29 წლამდე ბავშვებისა და ახალგაზრდებისთვის საქართველოს სხვადასხვა მუზეუმში შესვლა უფასო იქნება. 

ახალგაზრდობის საერთაშორისო დღეს საფუძველი გაერო-ს ასამბლეის 1999 წლის 17 დეკემბრის რეზოლუციით ჩაეყარა და იგი 2000 წლის 12 აგვისტოს სამყარომ პირველად აღნიშნა. აღნიშნულ დღესასწაულს საქართველოც უერთდება.