ვაჟა-ფშაველას დაბადების დღეს სხვადასხვა ღონისძიებაა დაგეგმილი. როგორც  ვაჟა-ფშაველას საქველმოქმედო ფონდიs ცნობiT, წელს ვაჟა-ფშაველას დაბადებიდან 155 წელი სრულდება და შექმნილია სახელმწიფო საიუბილეო კომისია. ფონდის ინფორმაციით, დაგეგმილია მრავალი კულტურულ-საგანმანათლებლო ღონისძიება, მათ შორის, საერთაშორისო მასშტაბის სამეცნიერო კონფერენციები. 

მხატვრული პროგრამის თანხლებით, მედიის წარმომადგენლები ერთმანეთს შეეჯიბრებიან პოეტის შემოქმედების ცოდნაში. იქვე, სახელდახელოდ შექმნილ ჟიურისთან ერთად გამოვავლენთ მათ, ვინც უკეთ წაიკითხავს ვაჟას ლექსებს, ვინც უკეთ იცნობს მწერლის პუბლიცისტურ ნამუშევრებს და მის ბიოგრაფიას! გამარჯვებულები დაჯილდოვდებიან სამახსოვრო საჩუქრებით. გაიმართება დოღი მედიასაშუალებების წარმომადგენლებს შორის.