თბილისის ოპერის წინთენგიზ მუშკუდიანისვარსკვლავი 14 ივლისს გაიხსნება. სახელმწიფო თეატრისინფორმაციით ვარსკვლავისგახსნამდე ოპერისთეატრში გალა-კონცერტი გაიმართება. 

როგორც გავრცელებულ ინფორმაციაშია ნათქვამი, თეატრის სამხატვრო ხელმძღვანელის, დავით კინწურაშვილის ინიციატივით, საქართველოს სახელმწიფო ოპერის თეატრში, 14 ივლისს, შედგება გალა-კონცერტი, რომელიც ეძღვნება ლეგენდარული მომღერლის, თენგიზ მუშკუდიანის საოპერო მოღვაწეობას. კონცერტის შემდეგ, ოპერის თეატრის წინ, ვარსკვლავის გახსნის ცერემონია გაიმართება, რომელსაც კულტურის პალატა უწევს ორგანიზებას.

თენგიზ მუშკუდიანი 32 წელი იდგა საქართველოს სახელმწიფო ოპერის თეატრის სცენაზე, ასრულებდა განსხვავებული სტილის პარტიებს, ქმნიდა საოპერო გმირების საინტერესო სახეებს, გამოირჩეოდა მომხიბვლელი ტემბრის ბანით. მნიშვნელოვანია თენგიზ მუშკუდიანის პედაგოგიური მოღვაწეობაც. სწორედ მისი ყოფილი და ამჟამინდელი მოწაფეები ავლენ სცენაზე 14 ივლისს დაგეგმილ გალა-კონცერტზე.