პროექტ Check in Georgia-ს ფარგლებში, ბათუმში „ფოლკლორის დღეები“ მიმდინარეობს. როგორც „ინტერპრესნიუსს“ „ფოლკლორის სახელმწიფო ცენტრიდან“ აცნობეს, ზაფხულის განმავლობაში, ზღვისპირა ქალაქში ხალხური მუსიკისა და ცეკვის კონცერტები ყოველდღიურად გაიმართება. მასში სახელმწიფო, მუნიციპალური და თბილისის ანსამბლები მონაწილეობენ. ისინი ქართულ ხალხურ შემოქმედებას ბათუმელებსა და ბათუმის სტუმრებს 70 დღის განმავლობაში გააცნობენ. „ფოლკლორის დღეები“ ბათუმში 10 სექტემბერს დასრულდება.