საქართველოს ეროვნული მუზეუმის იოსებ გრიშაშვილის სახელობის თბილისის ისტორიის მუზეუმში 6 ივლისს თამარ მელიქიშვილის ნამუშევრების გამოფენა - „დღის ერთი მეოთხედი“, გაიხსნება.

როგორც „ინტერპრესნიუსს“ მუზეუმიდან აცნობეს, ექსპოზიციაზე მხატვრის მიერ შესრულებული 70-მდე მცირე და დიდი ზომის ფერწერული ნამუშევარი იქნება წარმოდგენილი. 

თამარ მელიქიშვილი თბილისის სახელმწიფო სამხატვრო აკადემიის კურსდამთავრებულია. მუშაობდა ფილმების მხატვრად, იყო კინოჟურნალ „სარკმელის“ დიზაინერი. გამართული აქვს რამდენიმე პერსონალური გამოფენა, ასევე მონაწილეობდა არაერთ ჯგუფურ გამოფენაში. 
გამოფენა „დღის ერთი მეოთხედი“ 30 აგვისტომდე გაგრძელდება.